Куман «Барселона» клуби ўтадиган бўлса унинг ўрнини Арсен Венгер эгаллашга тайёр
Лондоннинг «Арсенал» клуби собиқ бош мураббийи Арсен Венгер фаолиятини Голландия миллий терма жамоасида давом эттириши мумкин, деб маълумот бермоқда Daily Mail нашри.
Манбанинг таъкидлашича, мутахассис Голландия футбол қўмитасига мурожат қилиб, уларга Роналд Куманнинг ўрнини эгаллашга тайёр эканлигини билдирган. Бундан олдинроқ Венгер «Барселона» клубини бошқаришдан бош тортгани айтилган эди.
Эслатиб ўтамиз, ўтган йилнинг ноябрь ойида Венгер ФИФАда футболни дунё бўйича ривожлантириш бўлимида бошлиқ лавозимини эгаллаган эди. Франциялик мутахассис «Арсенал» клубини 1996 йилдан 2018 йилга қадар бошқарган эди.
Унинг қўл остида «тўпчилар» 17 та совринни қўлга киритишган.
Ўқилган: 3022