"Барселона" клубининг янги бош мураббийи ким бўлиши маълум бўлди.
The Guardian нашрининг маълум қилишича, шу ҳафта ушбу лавозимга Роналд Куман тайинланади. Айнан унинг номзодини "Барселона" клуби раҳбарияти маъқул кўрган.
Таъкидланишича, Жозеп Бартомеу учун Почеттинонинг номзоди кўпроқ маъқул келган, бироқ директорлар кенгашининг айрим аъзолари унинг номзодига салбий муносабатда бўлган, чунки Маурисио "Барселона"да бундан олдин ишлаш истаги йўқлиги ҳақида гапирган эди.
Куманнинг тайинланиши ҳақидаги маълумотни ESPN нашри ҳам тасдиқлади. Эслатиб ўтамиз, "Барселона" клуби Кике Сетьенни истеъфога чиқариб юборди ва яқин кунларда Эрик Абидал ҳам жамоани тарк этади.
Куман эса ўз навбатида 2018 йили фаолиятини бошлаган Голландия терма жамоасидаги фаолиятини якунлайди.