"Барселона" клуби ЕЧЛ 1/4 финал "Бавария" жамоасига қарши ўйиндан кейин таркибда ўзгаришларни амалга оширмоқчи.
Mundo Deportivo нашрининг маълум қилишича, клубда тозалаш ишлари фақатгина Лионель Месси, Френк де Йонг ва Марк-Андре тер Стеген ва жамоа ёшлари Ансу Фати, Рики Пуча каби футболчиларга амал қилмайди. Қолган барча футболчилар жамоани тарк этиши мумкин.
Шу тариқа, "Барса"ни 2021 йили ёзда шартномаси якунига етадига Луис Суарес, Антуан Гризманн, Жорди Альба, Иван Ракитич, Сержи Роберто, Артуро Видаль ва Нельсон Семеду тарк этиши мумкин.
Бундан ташқари, каталонияликлар сафини Самюэль Умтити ва Усмон Дембеле ҳам тарк этиши мумкин, чунки улар жароҳат олишга жуда ҳам молик футболчилар саналади.
Май ойида "Барса"ни олти нафар футболчи кетмаслигини маълум қилган ва бошқа футболчилар бўйича таклифларни кўриб чиқишга тайёр эди. Ўшанда улар сафида Жерар Пике ва Антуан Гризманн ҳам бўлган.