Эден Азар: Фаолиятимдаги энг ёмон мавсумни ўтказдим
"Реал" клуби ярим ҳимоячиси Эден Азар ўзининг мадрид клубидаги фаолиятига бахо берди.
"Биз барчамиз биргаликда совринни қўлга киритдик, бироқ яккалик даражада бу менинг фаолиятимдаги энг ёмон мавсум бўлди.
Бўлиб ўтган барча ишларни инобатга олганда ажойиб мавсум бўлди.
Жамоа учун умуман олганда жуда ҳам яхши мавсум бўлди, бироқ биз чемпионлар лигасининг чорак финалига чиқсак янада зўр бўлар эди", - дейди Азар.
Эслатиб ўтамиз, бельгиялик футболчи жароҳат туфайли кўп ўйинларни ўтказиб юборди. Ла Лигада футболчи 16 та ўйинда иштирок этиб, битта гол ва олтитта голли узатмани амалга оширган.
ЕЧЛ доирасида "Реал" "Манчестер Сити"га қарши 1/8 финал жавоб ўйинини ўтказиши лозим. Биринчи ўйин Мадридда 1:2 ҳисобидаги мағлубият билан якунланган.
Ўқилган: 1870