"Барселона" клуби жамоа ҳужумчиси Антуан Гризманни ёзда сотмоқчи эмас.
Mundo Deportivo нашрининг маълумотига кўра, "Манчестер Сити" ва "Манчестер Юнайтед" клублари Гризманнинг трансфери бўйича сўров юборишган. Бундан ташқари ўйинчига Англия премьер-лигаси ёқади.
Бироқ "Барселона" клуби франциялик футболчисини сотмаслигини билдирган, чунки каталонияликлар уни асосий ўйинчи сифатида қарайди.
Гризманнинг ўзи ҳам "Барселона" клубини тарк этмоқчи эмас ва бу ёзда ҳеч қандай келишувга аралашмайди. Кейинги ҳафта Гризманнинг агенти "Барселона" вакиллари билан учрашиб вазиятни муҳокама қилади.
Гризманн "Барселона" сафида тўлиқ 90 дақиқа охирги марта "Леганес" жамоасиг қарши ўйинда ўйнаган. Кейин 14 дақиқа "Севилья" билан, 65 дақиқа "Атлетик" билан ва "Сельта" жамоасига қарши 10 дақиқада тўп сурди. "Атлетико" клубига қарши кечган учрашувда франциялик ўйинчи 90-дақиқада заҳирадан майдонга туширилди.