Тез орада Коутиньо “Барса”га қайтади, “Бавария” футболчини сотиб олиш истаги йўқ.
Коутиньонинг қониқарли натижаларига қарамасдан, Бундеслига вакиллари футболчини тўла сотиб олиш нияти йўқ. 22 ўйиндаги 8 та гол ва 6 та голли узатма Филиппени Германияда қолишига ёрдам бермади.
Аммо “кўк-анорранглилар” ҳам футболчини сотиб юбориш ҳақида бош қотиряпти. Бунга сабаб коронавирус пандемияси. “Барселона”нинг молиявий активлари кучсизланиб қолди, Коутиньо трансферидан эса жамоа ғазнаси 90-100 млн еврога бойийди ёки бразилиялик футболчини Канте, Неймар каби футболчилар трансферига қўшиб юборади.
Ҳозирги ҳолатига қарамасдан, Коутиньога Европанинг бир қанча грандлари қизиқиш билдиряпти. Миш-мишларга қараганда, “Челси”, “ПСЖ“, “Лестер”, “Эвертон” каби жамоалар футболчини ўз сафига қўшиб олишга ҳаракат қиляпти. 27 ёшли Филиппе истаган вақтида ўзининг энг юқори даражасига чиқа олади.
“Барселона”да ҳали ҳам танлов варианти бор. Балки, футболчини сотиш қароридан воз кечар. Коутиньони Испанияда олиб қолса нима бўлади? Келинг шу ҳақида суҳбатлашмиз.
Молиявий аҳвол
Коутиньони “Барселона” ўтиши учун каталонияликлар “Қизиллар” рабарияти ва футболчиниг ўзига босим уюштириб туришди. Филиппе Англияни тарк этганида “Ливерпуль“ ғазнаси 142 млн еврога бойиди. 2018 йил ҳолатига кўра бу анча катта пул эди.
Деярли 2 йил давомида футболчининг нархи пасайиб борди. Ҳаттоки, 100 млн евро ҳам футболчи учун қимматлик қиладигандек. Ундан ташқари пандемия ҳам жаҳон футболига қаттиқ зарба берди, шу жумладан “Барса”га ҳам. Жамоа футболчилари маошлари камайтирилишига ҳам рози бўлди. “Кўк-анорранглилар”нинг ҳар бир футболчиси маоши 70% га қисқарди, бу Европа грандлари орасида энг катта кўрсаткич ҳисобланади.
Футболчи учун сарфланган пулларни учдан бирини йўқотиш, албатта каталонияликларга ёқмайдиган ҳолат бўлиши мумкин. Ҳозирги пандемия даврида бу эҳтимоли катта бўлган ҳолат. Шунинг учун раҳбарият Коутиньонинг келажаги борасидаги қарорини яна бир бор ўйлаб кўриши мумкин.
