"Атлетика" мураббийи: "Барселона" ажойиб жамоа, бироқ биз билан ўйинда уларга осон бўлгани йўқ
"Атлетика" клуби бош мураббийи Гаиска Гаритано Испания чемпионатининг 31-тур "Барселона" жамоасига қарши ўйин натижасига ўз фикрини билдириб ўтди.
"Биз "Барселона"га муаммо яратиш учун келдик ва бунинг уддасидан чиқдик. "Барса" – ажойиб жамоа, лекин бизга қарши ўйинда уларга осон бўлгани йўқ. Тўп олиб қўйганимизда юзага келган вазиятлардан унумли фойдалана олмадик, сўнгги пас етишмади.
Майдонга кўп ҳам тушмайдиган футболчиларимизнинг ҳаракатидан мамнунман. Улар исталган пайтда ўйнай олишларини кўрсатишди, чунки ўйин яхши якунланди. Уларга ишона оламиз. Бу мавсумнинг энг қийин ўйини бўлди", - дейди Гаритано.
*****
Ўқилган: 2327