"Манчестер Сити" клуби бош мураббийи Пеп Гвардиола мавсумнинг қолган қисми учун жамоанинг мақсадлари ҳақида фикр билдириб ўтди.
"Биринчи иккита ўйин ("Арсенал" ва "Бернли"га қарши) жуда муҳим, чунки ушбу очколар бизнинг ЕЧЛ даги иштирокимизни имкон қадар тезроқ таъминлаб беради.
Чемпионлик курашини "Ливерпуль" клуби ютди, ЕЧЛ йўлланмасига эса 6-7 та жамоа курашмоқда. Бу ҳам бир соврин, ушбу мавсум биз бир нечта соврин учун курашаётган эдик.
Тўртинчи ўрин билан бизнинг орамиздаги фарқ 15 очкони ташкил қилади ва "Арсенал" клуби устидан қозонилган ғалаба яхши белги бўлди", - дейди Гвардиола.
УЕФА икки йилга "Манчестер Сити" жамоасини фэйр-плей қоидаларини бузганлиги учун еврокубоклардан четлатган ва яна 30 млн евро жарима белгилаган эди. Клуб CAS га аппеляция билан мурожаат қилган.