Пеп Гвардиола: Сане "Сити" билан шартнома узайтиришдан бош тортди. Агар клублар келишса, у кетади
"Манчестер Сити" клуби бош мураббийи Пеп Гвардиола жамоа ярим ҳимоячиси Лерой Сане клубни тарк этиш истаги борлигини тасдиқлади.
"Лерой шартномани узайтирмоқчи эмас. Агар у кетишни истаса, бу ушбу ёзда амалга ошади ёки шартномаси якунлангандан кейин жамоани тарк этади.
Сане шартномани узайтиришдан бош тортди, у бошқа клуб учун ўйнамоқчи. Агар мавсум якунлангандан кейин клублар ўзаро келишувга эришса, у кетади, йўқ бўлса – шартномаси тугагандан кейин кетади", - дейди Гвардиола.
24 ёшли футболчига "Бавария" клуби қизиқиш билдирмоқда. "Манчестер Сити" унинг учун 70 млн евро талаб қилмоқда. 2021 йилнинг ёзида Сане эркин агентга айланади, бироқ мюнхенликлар футболчини шу ёзда сотиб олмоқчи.
*****
Ўқилган: 2353