"Милан" клуби Рангникка 3 йиллик шартнома, 5 млн евро маош, мураббий ва спорт директори лавозимларини таклиф қилмоқда
"Ред Булл" клубининг спорт ва футболни ривожлантириш бўлими бошлиғи Ральф Рангник "Милан" жамоасига ўтиш учун яқин турибди.
Италия клуби 61 ёшли мутахассисга яна бир йилга узайтириш имконияти билан 3 йиллик шартнома таклиф қилмоқда, деб маълумот бермоқда Sport Mediaset нашри. Рангникнинг маоши йилига 5 млн еврони ташкил қилади.
Манбанинг таъкидлашича, германиялик мутахассис биринчи мавсум бош мураббий ва спорт директори лавозимларини эгаллаб туради.
Рангник июль ойининг охирида "Милан" клуби президенти Гордон Сингер билан якуний учрашув ўтказади, келишувга эришилса А Сериянинг жорий мавсум якунланганда эълон қилинади.
Ўқилган: 1712