Янги хўжайинлар “Ньюкасл”ни Англиянинг энг яхши жамоаларидан бирига айлантирмоқчи.
Саудия Арабистони шаҳзодаси Муҳаммад бин Салмон қаршиликларга қарамасдан, “Ньюкасл Юнайтед”ни сотиб олишга яқин. Шаҳзода оиласининг бюджети 320 млрд фунтни ташкил қилади ва “Ньюкасл” Англиянинг энг яхши бюджетига эга жамоаларидан бирига айланади. Демак, жамоа катта трансферларга ҳам қўл уриши аниқ. Қуйида “Ньюкасл” трансфер қилишни мақсад қилган 5 футболчи ҳақида суҳбатлашамиз.
Артуро Видаль
Ёши: 33
Ҳозирги жамоаси: “Барселона”
Трансфер нархи: 11 млн евро
Енг аввало, жамоага гранд клубларда ва катта мусобақаларда ўйнаш тажрибаси бор бўлган футболчилар зарур. “Барселона”нинг чилилик футболчиси Артуро Видаль апрель ойидан буён “Ньюкасл”нинг диққат марказида бўлиб турибди.
“Барселона” ҳам 2021-йилда шартномаси якунига етадиган футболчини қўйиб юборишга қарши эмас. Видалнинг ўзи ҳам агарда жамоани Массимилиано Аллегри бошқарса, Англияга боришга рози. Артуро Видаль Аллегри билан “Ювентус”да бирга ишлаган ва ўша даврдан яхши хотиралар қолган.
Видаль “Ньюкасл” учун қимматга тушмайди, ундан ташқари футболчи бир неча мавсум жамоа янги даражага чиқишига ёрдам беришга кучи етади. Демак, бу трансфер амалга ошишга яқин.
Бубакари Сумаре
Ёши: 21
Ҳозирги жамоаси: “Лилль”
Трансфер нархи: 24,5 млн евро
Франциялик ёш футболчи Бубакари Сумаре Видалдан кўра қимматга тушиши аниқ, лекин бу футболчи “Ньюкасл” учун “янги Яя Туре” бўлади. Ўз вақтида “Манчестер Сити” ивуарлик ярим ҳимоячини ўз сафига қўшиб олиш учун ҳаракат қилганди.
“Ньюкасл” Сумарени қишки трансфер ойнасида сотиб олмоқчи эди, лекин футболчи бу таклифни рад этганди. Энди жамоанинг яқин келажакдаги жиддий режаларини кўриб, футболчи ёзги трансферда Ангияга ўтишга рози бўлиши мумкин. Ахир, энди унга юқори даражадаги ўйин, яхши маош таклиф қилинади.
