У ҳаммасини ютди, лекин барибир уни қадрлашмади
Андерсон Луис де Соуза – ёки шунчаки Деку 1977-йилда Сан-Бернарду-ду-Кампуда кўп фарзандли оилада дунёга келган. У ёшлигидан жуда ҳам истеъдодли бўлган. 15 ёшидаёқ “Коринтианс” билан профессионал шартнома имзолаган.
1997 йилда эса “Бенфика” скаутлари назарига тушади. “Мен барча кўриб турган нарсани кўрдим” – деди афсонавий Тони Декунинг ўйинидан ҳайратланиб. Ёш футболчи бобосининг Ватанига бориши учун битта ўйиннинг ўзи кифоя қилди. У бор истеъдодини намойиш этиб, нималарга қодир эканлигини кўрсатмоқчи эди. Аммо клубдагилар бундай ўйлашмади. Улар тайёр футболчи олганига ишонишмасди, футболчини дарҳол ижарага, “Алверка” жамоасига бериб юборишди. Ўша пайтда Лиссабонга Грэм Сунесс ишлаш учун келганди ва шотландиялик мутахассисга иккита янги футболчи – Марк Пембриж ва Стив Харкнесслар етарли эди.
Бу ёш футболчи учун қаттиқ зарба бўлди. Узоқ вақт давомида ўзига кела олмади. “Бенфика” унинг истеъдодини тўғри баҳолай олмади. Футболчи бир йилдан сўнг “Салгейруш” билан шартнома имзолади.
Янги жамоасида жароҳатлар Декуга ўзини кўрсатиши учун халақит берарди. “Бенфика” футболчини қайтариш нияти йўқлиги маълум бўлди, аммо “Порту” футболчини ўз сафига қўшиб олди.
“Порту”даги 3 йили давомида футболчи бир марта мамлакат чемпионлигини қўлга киритди. Кейин эса жамоага янги мураббий келди. Биринчи пресс-конференциясидаёқ Жозе Моуриньо клубни чемпион қилмоқчи эканлиги ҳақида интервю берди. Мураббий 4-4-2 схемасини танлади ва мавсум сўнггида учинчи ўринни эгаллаб, УЕФА Кубоги учун йўлланмани қўлга киритди.
Келаси мавсум эса “Порту” тарихидаги энг яхшиларидан бири бўлди. Чемпионлик, Португалия Кубоги. Бу ҳали бошланиши эди. Энди мураббий Европа ҳақида ўйлаётган эди. Тез орада Деку орзу қилган кубогини ҳам боши узра кўтарди. Бу пайтда эса уни “Барселона” ва “Бавария” скаутлари кузатиб туришган эди.
Янги жамоада Деку Хави ва Иньеста билан бирга тўп сурадиган бўлди. Деку янги жамоасига жуда тез мослашиб кетди. У гўёки ёшлигидан “Барселона” кўчаларида тўп сургандек таассурот қолдирарди. Мухлислар унинг Роналдиньо билан дуетини завқ билан томоша қилишарди. Олти йиллик кутишлардан сўнг Каталония жамоаси ниҳоят чемпионликни қўлга киритишди. Келаси йилда эса Деку Чемпионлар Лигасини ютишга ёрдам берди.
