Зидан ҳали ҳам Погбани "Реал"да кўрмоқчи. Ван де Бек захира номзод
Мадриднинг "Реал" клуби бош мураббийи Зинедин Зидан ёзда сотиб олишни истаётган "Аякс" ярим ҳимоячиси Донни ван де Бек билан алоқани ушлаб турибди.
Ван де Бекка қизиқиш бўлишига қарамай, "Манчестер Юнайтед" ярим ҳимоячиси Поль Погба трансфери Зидан учун ҳали ҳам асосий мақсад бўлиб турибди. Аммо франциялик мутахассис 27 ёшли ўйинчини қўлга киритиш қийин бўлишини тушуниб турибди.
Погбанинг агенти Мино Райола аллақачон "Ювентус" клуби билан музокараларни олиб бормоқда. Бундан ташқари, "Реал" президенти Флорентино Перес Погбанинг трансферига қизиқиш билдирмаяпти.
Ван де Бек учун Англия премьер-лигасининг бир нечта клублари даъвогарлик қилмоқда: жумладан, "Ньюкасл Юнайтед", "Эвертон" ва "Манчестер Юнайтед" клублари.
Ўқилган: 2164