
"Милан" клуби ҳужумчи Златан Ибрагимовичнинг жароҳати борасидаги маълумотни маълум қилди.
Швециялик ҳужумчи жиддий жароҳатдан қутулиб қолган. Ибрагимовичнинг фақатгина мушаклари жароҳатланган, унинг даражаси маълум этилмади.
"Милан" клуби футболчининг тикланиши борасида муддатни аниқлаштирмади, фақатгина 10 кун ичида унинг ҳолати аниқлаштиришини маълум қилди. Златан жароҳатининг жиддийлигига кўра 10 кундан 2 ойгача вақтни ўтказиб юбориши мумкин.