Капелло: Роналдо "Реал"да менга энг катта бош оғриғи бўлган
Мадриднинг "Реал" клуби собиқ бош мураббийи Фабио Капелло "Қироллик клуб"даги фаолиятида бразилиялик ҳужумчи Роналдо билан қандай муносабатлар бўлгани ҳақида гапириб ўтди.
"Мен ишлаган футболчилар орасида энг иқтидорлиси шубҳасиз Роналдо эди. Биз бир-биримизни яхши тушунардик. Шунинг учун ҳам у менга кўп муаммолар туғдирган.
У айш-ишратга муккасидан кетганди. Тунги клублар, ҳар хил зиёфатлар ва бошқа инсонни бузадиган жиҳатлар кўп эди, унда. Бир куни менга ван Нистелрой "кийиниш хонасида алкоголнинг ҳиди келяпти" деган.
"Милан"га ўтиб кетганидан кейин биз ютишни бошладик. Иқтидорига келсак: гап-сўзсиз мисли кўрилмаган даражада эди", - дейди Капелло.
Эслатиб ўтамиз, Роналдо 2002 йилдан 2007 йилгача "Реал" таркибида тўп сурган.
Ўқилган: 3492