Ўтган мавсумда мухлисларга ёрқин ўйин кўрсатган, жамоамиз ҳимоячиси Искандар Шойқулов билан суҳбат.
Футболга кириб келишингиз ҳақида гапириб берсангиз…
Футболга кириб келишимга энг аввало, акам сабабчи бўлганлар. Акамга қизиқиб футбол тугарагига қатнашишни бошладим кейинчалик, футбол интернатида ўқидим. Интернатда ўқиб юрган давримда Олий лига жамоаларининг “ризерв группаси” яъни академиялари ҳам ўйнашарди. Чунақа ўйинларни бирида бизнинг туманимизга Машъал академияси келди, ва биз улар билан ўйнадик. Ўша баҳсда 2: 3 га ютқазгандик. Ўша пайтдаги Машъал академия директори Вадим Шакиржанич, мураббийимдан мен ҳақимда сўраган экан. Мураббийим ота-онамни олдига келиб, ўглингизни истеъдоди бор шу сабабли, академияга ўқишга чақиришмоқда нима қиламиз деганда дадам қаршилик қилганлар, ўглимни ўқитаман деганлар. Яхшиямки акажоним бу гапларни эшитиб қолиб, ота-онамга тушунтирганлар ва мени мураббийим билан биргаликда Муборакка, Машъал академиясига жўнатдилар. У ёқда имтиҳон топширдим, ўша вақти энг юқори баллни топлаган эканман ва мени олиб қолишди. Хуллас, катта футболга мени Машъал академияси йетиштириб чиқарди буни ҳеч қачон унутмайман.
“СЎҒДИЁНА”га келмасдан олдин бир неча жамоада тўп сурдингиз, бу йил иккинчи йил сиз “СЎҒДИЁНА” шарафини ҳимоя қилмоқдасиз, тўп сурган жамоларингизда қайси бир жамоани яхши ёки кучли деб ҳисоблайсиз.
Гапингиз тўғри кўп жамоаларда тўп сурдим, ҳамма ўйнаган жамоамда ўз услуби бор, қайсидур жамоа ўз услуби билан бир-биридан кучли ёки қайсидур жамоани тойифаси пас демоқчи эмасман ҳамма жамоани тойифаси бир хил. “СЎҒДИЁНА”га келадиган бўлсак, бу жамоани ўз ўйини йўқ жамоа қандай хоҳласа шундай ўйин кўрсатади бу гапим билан жамоани ёмон демоқчи эмасман, айнан шундай жамоадан рақиб жамоа нима кутишни билмайди, шуниси билан менга маъқул келди. Чунинг учун ҳам бу йил ҳам “СЎҒДИЁНА” шарафини ҳимоя қилишга қарор қабул қилдим.
Ўтган мавсумда сиз жамоада анча ёрқин ўйин кўрсатдингиз, шу сабабдан сизни ўрнингизни эгалламоқчи бўлганлар бўлдими ?
Менга берилган вазифани бажардим ҳолос. Баҳо бериш мухлисларнинг ва мураббийнинг иши. Албатта жойимни эгалламоқчи бўлганлар бор ахир, бу футбол рақобат бўлмаган жойда ўсиш бўлмайди, шуни унутманг.
Ўтган мавсумда “СЎҒДИЁНА” мураббийлар штабида мураббий алмашинуви юзага келди, мавсум бошидан 5-турга қадар Сергей Лушан бўлса, 5-турдан то мавсум сўнгига қадар Улуғбек Бақойев, тактик жиҳатдан қайси мураббий сизга ёқди ?
Иккита мураббийнинг ҳам устун жихатлари бир-биридан анча кўп. Бу борада мен бирор нарса дейишим қийин. Бир сўз билан айтганда Сергей Лушан ёш таркибни яхши шакиллантира олади, Улуғбек Бақойев эса катталар билан яхши ишлай олади. Ўтган йили таркибимиз ўрта ёшдаги фудболчилар бўлгани учун Сергей Лушан истагандек ўйин кўрсата ололмадик. Улуғбек Бақойев келгандан сўнг футболчилар билан тил топиб кета олди шунинг учун ҳам натижалар секин-аста ўзгара бошлади.
Агар сизга бир вақтда йевропа ва Машъал жамоасидан таклиф келса қайси бирини танлаган бўлар эдингиз ? ёки “СЎҒДИЁНА” шарафини ҳимоя қилишда давом этаверасизми ?
Буни вақт кўрсатади агар шундай таклиф бўлса албатта йевропани танлаган бўлар эдим. Чунки энди футболга қизиқиш бошланганда йевропа фудболчиларига қараб ҳавас қилиб, футбол сир асрорларини ўрганишни бошлайсиз. Насиб қилиб сиз ҳам йевропада ўйнашни бошлайсиз сизнинг ўйнингизга ҳавас қилиб кимдир фарзнадини футболга беради десам, адашмаган бўламан.
Албатта кўп футболчилар футболчилик фаолиайтини якунлгандан сўнг, футбол оламидан узоқлашиб кетмоқда. Аксинча, баъзи бирлари севимли сохасини мураббийлик сифатида давом эттирмоқда, Сиз ҳам футболчилик фаолиятингизни якунлагач футбол сохасини буткул тарк этасизми ёки мураббийлик сифатида давом эттириш ниятингиз борми ?
Ха, бу ачинарли ҳолат лекин буни ҳаёт дейдилар. Ҳамманинг ўз қисмати бор пешонасига нима ёзилган бўлса ундан қочиб кета олмайди. Буни вақт кўрсатади.
"Сўғдиёна" матбуот хизмати
Манба: "Сўғдиёна" телеграм канали
"Сўғдиёна": Искандар Шойқулов билан суҳбат
Ўқилган: 1769