Ўзбек футболи афсонаси, фахрий футболчи, маҳоратли мураббий, футболимиз фидоийси Биродар Абдураимовни бугунги таваллуд айёми билан табриклаймиз!
Биродар Абдураимов ҳақли равишда ўзбек футболи тарихидаги энг кучли ҳужумчилардан бири ҳисобланади. Мураббий сифатида эса 1994 йилги Осиё ўйинларида терма жамоамиз чемпионлигига ўзининг улкан ҳиссасини қўшган.
Биродар Ҳасановичнинг хизматлари давлатимиз томонидан ҳам муносиб тақдирланган ва у турли йилларда «Ўзбекистон Республикасида хизмат кўрсатган спорт устози», «Ўзбекистон Республикасида хизмат кўрсатган ёшлар мураббийи», «Ўзбекистон ифтихори» фахрий унвонлари ва “Чуҳрат” медали билан тақдирланган.
Биродар Хасанович бугунги кунда ҳам футболимиздаги барча жараёнларда фаол иштирок этиб, улкан тажрибаси билан ўртоқлашиб келмоқдалар. Ўзбекистон футбол ассоциацияси номидан Биродар Хасановични 77 ёшлиги билан табриклаб, уларга узоқ умр, мустаҳкам соғлик, оилавий хотиржамлик тилаймиз!
Бугун Биродар Абдураимов 77 ёшга тўлди
Ўқилган: 1896