"Ювентус" ва "Челси" клублари ўзаро футболчи алмашишлари мумкин.
The Guardian нашрининг маълумотига кўра, клублар ярим ҳимоячиларини алмаштириш борасида музокараларни бошлашган: "Ювентус" Миралем Пьянични Жоржиньо учун қўйиб юборишга тайёр.
"Ювентус" бош мураббийи Маурицио Сарри ўз жамоасида "Наполи" ва "Челси"да бирга ишлаган футболчини кўрмоқчи ва бунинг учун Пьяничдан ҳам воз кечишга рози.
Шу билан бирга "Ювентус" клуби "Барселона" ва "ПСЖ" билан ҳам музокаралар олиб бормоқда. Маълумотларга кўра, Франция клубининг спорт директори Леонардога Пьяничнинг ўйинлари ёқар экан.
Пьяничнинг "Ювентус" клуби билан амалдаги шартномаси 2023 йилгача амал қилади, бироқ футболчи Саррига жамоада асосий футболчи эканлигини исботлай олмаган. 30 ёшли ўйинчи А Сериянинг 22 та ўйинида иштирок этиб, 3 та гол ва 4 та голли узатмани амалга оширди.