ФИФА ҳар йили бўладиган The Best FIFA Football Awards тақдимот маросимини ўтказмайдиган бўлди.
Marca нашрининг маълумот беришича, ушбу мавсум энг яхшиларни тақдирламаслик қарори коронавирус пандемияси туфайли қабул қилинган.
Айни пайтга келиб ФИФА эгидасида ўтадиган фақатгина битта мусобақа бошқа муддатга сурилмади. Бу декабрь ойида бўлиши керак бўлган клублар ўртасидаги жаҳон чемпионати.
France Football томонидан ҳар йили бериладиган "Олтин тўп" соврини бўйича эса нашр ҳали битта қарорни қабул қилгани йўқ.
The Best совринининг амалдаги соҳиби "Барселона" ҳужумчиси Лионель Месси саналади. Соврин учун курашда у Ван Дейк ("Ливерпуль") ва Криштиану Роналду ("Ювентус")ни ортда қолдирган. Аргентиналик футболчи 2019 йилда "Олтин тўп"ни ҳам қўлга киритган эди.