Агар Погба "Юве"га қайтса - Роналду билан жанжал чиқади
Туриннинг "Ювентус" клуби собиқ ҳужумчиси Никола Аморузо "Манчестер Юнайтед" ярим ҳимоячиси Поль Погбанинг туринликлар сафига қайтиши нималарга олиб келиши ҳақида гапириб ўтди.
"Футболчи сифатида у клубга жуда мос тушади. Поль - буюк чемпион, у жамоани яхши билади ва уни бу ерда яхши кўришади.
Аммо, "Ювентус" маоши 15 млн евродан кам бўлмаган яна бир футболчини ўзига эп кўра олармикан? Клуб Роналдуни ҳам унутмаслиги керак. Ахир у Месси билан бирга дунёнинг энг кучли ўйинчиси ҳисобланади.
Криштиану кийиниш хонасида Погба билан чиқиша олмаслиги турган гап. Унинг қайтиши бошқа жанжални келтириб чиқариши мумкин.
Бу трансфер амалга ошишига кўзим етмайди", - дейди Аморузо.
Ўқилган: 2795