Моуринью мураббийлик фаолиятида қайси ўйиндан кейин ҳаётида бир марта йиғлаганини айтиб ўтди
"Тоттенхэм" клуби бош мураббийи Жозе Моуринью бир пайтлар "Реал"ни бошқарган онларини эслаб ўтди ва қайси ўйиндан кейин ҳаётида бир марта йиғлаганини айтиб берди.
"Мен жуда кучли ҳис-туйғуларни 2011/2012 мавсумда "Бавария"га (3:3, пенальтилар бўйича 1:3) қарши ЕЧЛ ярим финалидан кейин ҳис қилганман.
Бу футбол, тушинаман. Менинг қўлостимда учта "монстр" бор эди: Роналду, Кака, Рамос. Уларнинг қудратига шубҳа қилмагандим, аммо улар ҳам одам эканлигини кўрганман.
Ўша тунда мен ўйиндан кейин йиғлаганман. Буни жуда яхши эслайман.
Ёрдамчим Айтор Каранка билан машинада келиб, уйим олдида тўхтадик. Иккимиз ҳам ҳўнграб йиғлаганмиз ўшанда.
Мавсумни зўр ўтказа туриб, қийин аҳволга тушиб қолгандик, биз", - дейди Marca нашри Моуринью сўзларини келтириб.
Ўқилган: 5334