"Барселона" ярим ҳимоячиси Усмон Дембеле фаолиятини Англияда давом эттириши мумкин.
Diario Sport нашрининг маълумотига кўра, "Манчестер Юнайтед" ва "Арсенал" клублари 22 ёшли франциялик футболчи билан қизиқмоқда. Клублар Дембелени сотиб олиш учун илк қадамларини қўймоқда, чунки ҳар икки клуб раҳбарияти футболчининг тез-тез жароҳат олиши ўйлантирмоқда.
"Юнайтед" ва "Арсенал" клублари Дембеленинг соғлиғи билан боғлиқ муаммоларни ўрганмоқда ва нима сабабдан юзага келганига аниқлик киритмоқчи. Ҳар икки клубларга ҳужумкор ўйинчилар керак шунинг учун ҳам у ҳақида кўпроқ маълумот йиғиш истагида.
Таъкидланишича, Дембеле "Барселона" клубининг услублари туфайли тез-тез жароҳат олади. Бошқа шароитда футболчи тўлиқ очилиши учун имконият бўлади. Ҳозирги вазиятда Дембеле каби истеъдодли, ёш футболчини топиш осон эмас.
"Барселона" клуби ўз навбатида франциялик футболчи борасида таклифларни кўриб чиқишга тайёр. Бироқ Дембеле Коутиньо каби ижарага бериб юборилиши ҳам мумкин.
Дембеле Каталония клубидаги сўнгги ўйинини 27 ноябрь куни ўтказган эди. Жорий мавсум у Ла Лиганинг 5 та ўйинида майдонга тушиб 1 та гол урган.