"Реал" клубининг собиқ дарвозабони Икер Касильяс "Барселона"нинг собиқ ўйинчилари Андрес Иньеста ва Карлес Пуйолга ретро-класико ўтказишни таклиф қилди.
Касильяс твиттер саҳифасида Пуйол ва Иньестанинг Ла Лига матбуот-хизматининг Хави ҳақида ёзган маълумотига жавоб берди.
"Хавининг ўйинини кузатиш жуда ҳам ажойиб", - дейди Ла Лига аккаунти ва унга "Барселона" таркибидаги ёрқин ўйинлардан лавҳа жойлаган.
"Албатта, сизларга қарши бир неча маротаба ўйнаш насиб этган. У ерда ҳар хил ишлар бўлиб турар эди, бироқ... Бу қара энди! Бу дахшатлар якунига етганидан кейин биз йиғилиб ретро-класико ўйнашимиз керак! Керакли одамларни чақирамиз", - деб ёзган Касильяс.
"Таркибларни йиғавер! Менга ишонишинг мумкин", - деб жавоб қайтарди Иньеста Касильясга.