"Бавария" клубида ижара асосида тўп сураётган "Барселона" ярим ҳимоячиси Филиппе Коутиньо Англия клубига ўтиши мумкин.
Diario Sport нашрининг маълумотига кўра, Лондон клуби ўйинчининг кейинги мавсум учун сотиб олиш имконияти билан ижарага олиш шартлари бўйича "Барселона" билан алоқага чиқди. Бундан ташқари, "Челси" вакиллари Коутиньо билан Англияга ўтиш бўйича гаплашишди.
Коутиньо бўйича саволни ҳал этиш, "Барселона" клубининг ёзги трансфер мавсумидаги энг асосий вазифаси. Чунки Коутиньо учун ҳеч ким талаб этилаётган 90 млн евро тўламоқчи эмас.
"Челси" клуби Коутиньога ҳамма маошини тўлашга тайёр ва бир мавсум учун кўрсатилган 30 млн евросини ҳам ўз бўйнига олади.
"Бавария" клубига ҳам ўйинчи манзур келган, аммо 110 млн евро миқдоридаги товон пули унинг учун жуда ҳам қиммат деб ҳисоблайди. Шу билан бирга Мюнхен клуби "Барселона" билан футболчининг ижарасини узайтириш бўйича ҳам келишиб олиши мумкин.
Айни дамга келиб "Барселона" клуби Коутиньога "Камп Ноу"да яна битта имконият бермоқчи эмас, бироқ Кике Сетьен унинг қайтишига қарши эмас.