Суперлигага қайтган ва таркибини ҳамон кучайтириш билан машғул бўлаётган дебютант “Машъал” жамоаси Туркманистон терма жамоаси ҳужумчиси ва ўтган мавсум Туркманистон чемпионати тўпурари бўлган иқтидорли футболчи Дидар Дурдиев билан бир йиллик шартнома имзолади.
Дидар Дурдиев асли Болқонобод шаҳрида туғилган. У Ашхободдаги «Олимп» футбол мактаби тарбияланувчиси ҳисобланади. У — таниқли футболчи Қурбангелди Дурдиевнинг ўғли.
Профессионал футболдаги фаолиятини «Ашхобод»да бошлаган. Шунингдек, «Алтын Асир» ва «Хазина» клубларида ўйнаган. Унинг сўнгги клуби «Ахал» бўлган эди. Бу жамоа сафида Дидар Дурдиев 2019 йилда Туркманистон чемпионатининг кумуш медалини қўлга киритиб, мавсумнинг энг яхши тўпурарига айланди (14та гол).
Дурдиев Туркманистон терма жамоаси сафида 14та ўйинда майдонга тушиб, 2та гол урган.
Манба: "Машъал" Телеграм канали
“Машъал” Туркманистон терма жамоаси ҳужумчиси билан шартнома имзолади
Ўқилган: 1603