Ўзбекистон миллий чемпионати - Coca-Cola Суперлигаси мусобақасининг 2-тур учрашувлари бугун ҳам давом эттирилади. Унда учта ўйин бўлиб ўтади.
Дастлаб соат 16.00 да Тошкентда "Бунёдкор" жамоаси ўзида "Машъал"ни қабул қилади. Бир қарашдан Вадим Абрамов шогирдларининг имкониятлари кўпроқдек, аммо "Машъал" ёшлари унча-мунча топ-жамоалар билан тенгма-тенг "ташаша" олади. Боз устига уларнинг ёш тарбияланувчилари доим кучли бўлиб келган. Бугун тошкентликларга осон бўлмайди.
Соат 18.15 да "Қизилқум" - "Сурхон" баҳси бошланади. Бу жуфтликда ким яхшироқ тайёрланган бўлса, ўша зафар қучиши мумкин. Майдон эгаларида бўлса кичик бўлса ҳам устунлик барибир бор.
Худди шу вақтда Жиззахда "Сўғдиёна" футболчилари Тошкент вилоятининг АГМК жамоасини кутиб олишади. Бу жуфтликда эса олмалиқликлар таркиб жиҳатдан салгина устунликка эгалар. Аммо бу ҳисобда акс этадими ёки йўқ бунисини вақт кўрсатади.
Барчангизни ТВ қаршисига чорлаб қоламиз. "Спорт" телеканали ушбу ўйинлар жонли эфирда намойиш этади.
Фото манбаси: "Бунёдкор" сайти