Серхио Рамос: Юрагим ва миям билан аллақачон класикодаман
"Реал" клуби ҳимоячиси Серхио Рамос Европа чемпионлар лигасининг 1/8 финал "Манчестер Сити" жамоасига қарши кечган биринчи ўйиндаги мағлубият ҳақида фикр билдириб ўтди.
33 ёшли испаниялик футболчи ушбу баҳсда Габриэль Жезусга нисбатан сўнгги умид фоли учун қизил карточка билан жазоланган эди.
"Жуда ҳам оғир кечадан кейин мен иккита йўлни кўрмоқдаман: кечаги мағлубият ҳақида ўйлаш мумкин ёки кейинги ғалаба учун ишлаш мумкин. Мен иккинчисини танлайман.
Юрагим ва миям билан аллақачон класикодаман", - деб ёзган Рамос твиттерда.
"Реал" – "Барселона" учрашуви 1 мартдан 2 мартга ўтар кечаси Тошкент вақти билан 01:00да старт олади.
Ўқилган: 2408