Лусио бутсаларини “мих”га илди
Бразилия терма жамоасининг собиқ ҳимоячиси Лусио фаолиятини якунлагани ҳақида эълон қилди.
“22 йил футбол ўйнагандан кейин бутсиларни михга илиш вақти келди. Мен Яратганга ва оила аъзоларимга ташаккур билдираман”, - деб ёзди Лусио инстграмдаги саҳифасида.
Маълумот ўрнида, 41 ёшли футболчи фаолияти давомида “Байер”, “Бавария”, “Интер” ва “Ювентус” каби клубларда тўп сурган.
У Бразилия билан 2002 йили жаҳон чемпиони бўлган ва икки карра конфедерация Кубоги соҳибига айланган. Шунингдек, у “Интер” билан 2009/10 мавсумда Европа Чемпионлар Лигасида ғалаба қозонган. Унинг охирги Бразилиянинг дивизион иштирокчиси “Бразильенсе” бўлди.
Ўқилган: 1915