Халқаро футбол тарихи ва статистикаси федерацияси (IFFHS) жаҳоннинг энг кучли 400 клублари рейтингини эълон қилди.
Ушбу рейтингда Тошкентнинг "Пахтакор" 112 очко билан 140-поғонадан жой олди ва шу тариқа “шерлар” Осиёда кучли ўнликдан ўрин олдилар, "Садд" билан биргаликда "Пахтакор” 6-7 поғонадан ўрин эгаллади. 2018 йил "Пахтакор" ушбу рейтингда 394-ўринда бўлганди. Таъкидлаб ўтиш керак, бир йил ичида “Пахтакор” 254 поғона юқорилади.
IFFHS 1991 йилдан бери ҳар ой клубларни баҳолаб келади. Рейтингда жамоаларнинг халқаро учрашувлари, миллий чемпионат ва кубокдаги натижалари 1/16 финалдан бошлаб қайд этилади.
Мамлакатлар бунда чемпионат кучидан келиб чиқиб, 4 тоифага ажратилади. Энг кучли лигалар клублари ҳар бир ғалаба учун 4 очкога эга бўлишади. Пастроқ савияли давлатлар жамоалари мос равишда ғалаба учун 3 очко жамғаришади.
Манба: “Пахтакор” расмий Телеграм саҳифаси
“Пахтакор” дунёнинг энг кучли 150 жамоаси қаторидан ўрин олди
Ўқилган: 1797