Тайланд давлатида AFC U23 Championship мусобақаси давом этмоқда. Бугун "D" гуруҳидаги сўнгги учрашувлар орқали плей-оффнинг барча иштирокчиларининг номи маълум бўлади.
Кечаги ўйин орқали Ўзбекистон футболчилари гуруҳда 2-ўринга эга чиқишди ва кучли саккизликдан ўрин олишди. Чорак финалдаги рақибларининг номи эса, бугун маълум бўлади.
"D" гуруҳида бугун Иордания - БАА ҳамда Вьетнам - КХДР учрашувлари ўтказилади. Мана шу жамоалар орасидан ким биринчи ўринни қўлга киритса, ўша терма Ўзбекистон рақиби бўлади.
Демак, чорак финал жуфтликлар билан танишинг:
1-жуфтлик: Саудия Арабистони - Тайланд (18.01.2020 соат 15.15)
2-жуфтлик: Австралия - Сурия (18.01.2020 соат 18.15)
3-жуфтлик: Жанубий Корея - D гуруҳи 2-ўрин соҳиби (19.01.2020 соат 15.15)
4-жуфтлик: D гуруҳи ғолиби - Ўзбекистон (19.01.2020 соат 18.15)
Ярим финал жуфтликлари қуйидагича:
2-жуфтлик - 4-жуфтлик (22.01.2020 соат 15.15)
1-жуфтлик - 3-жуфтлик (22.01.2020 соат 18.15)
Кўриб турганингиздек, агар Ўзбекистон чорак финалдаги рақибини мағлубиятга учратса, ярим финалда катта эҳтимоллик билан Австралияга рўбарў келади.