"Тоттенхэм" ва "Порту" португалиялик ҳужумчи Зе Луишнинг ижараси борасида келишувга эришди.
Келишув билан "Тоттенхэм" клуби бош мураббийи Жозе Моуриньонинг агенти Жорже Мендеш шуғулланди.
Энди лондонликлар Кабо-Верделик футболчи ўз фаолиятини олиб бориши учун рухсатнома олиши керак бўлади.
Зе Луишнинг Евроиттифоқ паспорти йўқ. Бундай ҳолларда Премьер-лига ўйинчининг ўз миллий терма жамоасининг учун сўнгги икки йилда 75% ўйинларида иштирок этишини талаб қилади. Шу билан бирга жамоа ФИФА рейтингида 50-поғонадан паст бўлмаслиги лозим.
Зе Луишга ушбу талабларнинг биронтаси ҳам тўғри келмаган: Кабо-Верде термаси ФИФА рейтингида 75-поғонани банд қилган, ўйинчининг ўзи эса миллий терма жамоа сафига икки йиллик танаффусдан кейин энди қўшилди.
"Тоттенхэм" клубида энди фақатгина аппеляция бериш имконитяни қолмоқда ва Англия футбол ассоциациясининг махсус комиссияси якка тартибда Зе Луишнинг ишини кўриб чиқади ва ўз қарорини эълон қилади.