Мойес Хитой Суперлигасидан собиқ футболчисини "Вест Хэм"га таклиф қилмоқчи
"Шаньдун Лунэн" ярим ҳимоячиси Маруан Феллайни фаолиятини яна Англия Премьер-лигасида давом эттириши мумкин. Бу ҳақда Sports нашри хабар бермоқда.
"Вест Хэм"нинг янги бош мураббийи Дэвид Мойес қишки трансферлар мавсумида жамоага ўзининг собиқ шогирдини таклиф қилмоқчи. 32 ёшли футболчи илгари Мойес билан "Эвертон" ва "Манчестер Юнайтед" клубларида биргаликда ишлаган.
Маълумот учун, ўтган мавсумда бельгиялик хавбек Хитой Суперлигасида 32та учрашувда 13 маротаба тўп киритган эди.
Ўқилган: 1981