Клублар 2019 йили агентларга қанча маблағ тўлагани маълум қилинди
ФИФА 2019 йили трансферларда футболчилар агентларига тўланган пуллар бўйича ҳисоботни тақдим қилди.
Клублар трансфер учун футболчининг агентига тўланадиган ҳақ 2019 йили 653,9 млн долларни ташкил қилган ва бу кўрсаткич ўтган йилги натижадан 19,3%га кўп дегани.
2019 йилда 17 мингдан зиёд трансферлар амалга оширилган ва уларнинг 3557 таси ҳеч бўлмаганда битта агент билан амалга оширилган.
80% дан кўп маблағлар Англия, Германия, Испания, Италия, Португалия ва Франция клублари томонидан тўланган.
Агентларга энг кўп пулни Италия клублари – 130,5 млн доллар тўлашган.
148 та келишувда агентлар трансфер учун 1 млндан кўп пул тўлашган. Ушбу трансферлар учун тўловлар ўша йили агентларга тўланган маблағнинг 65,9% қисмини ташкил қилган.
Ўқилган: 1949