Коутиньо "Бавария" клубида қолиш истагида
Айни пайтда ижара асосида "Бавария" клуби тўп сураётган "Барселона" ярим ҳимоячиси Филиппе Коутиньо Мюнхенда қолиш истаги борлигини айтиб ўтди.
"Мен ўзимни бу ерда жуда ҳам яхши ҳис қилмоқдаман. Камида яна бир йил шу ерда қолишни режалаштирмоқдаман ва бутун диққатимни шу ерда ўйнаш учун қаратмоқчиман. Агар ҳаммаси яхши кечса, "Бавария" клубида қолиш истагидаман", - дейди Коутиньо.
Коутиньо "Бавария" клубига ушбу ёзда ўтган эди. Ижара шартномасига кўра мюнхенликлар футболчини "Барселона"дан 120 млн евро эвазига сотиб олиши мумкин.
Жорий мавсум 27 ёшли бразилиялик футболчи Бундеслиганинг 12та ўйинида иштирок этиб ўз ҳисобига 3та гол ёзиб қўйган.
Ўқилган: 1960