Моуриньо стартни омадли тарзда бошлади. "Тоттенхэм" сафарда муҳим ғалабани қўлга киритди

Англия Премьер-лигасининг 13-тур учрашувларига старт берилди. Дастлабки баҳс Лондо шаҳрида ўтказилди.

Унда "Вест Хэм" клуби Жозе Моуринью қўл остидаги "Тоттенхэм"ни қабул қилди. Бу ўйин португалиялик мутахассиснинг "тақачилар"даги илк ўйинига айланди.

Ўйин голларга бой тарзда ўтди. Сон Хин Мин 36-дақиқада учрашувдаги дастлабки голни уришга эришди, - 0:1. Орадан оз вақт ўтиб Лукас Моура ўз ҳисобига тўп ёзиб қўйди, - 0:2.
Танаффусдан кейин "тақачилар" янада ҳужумга ўтишди ва 49-дақиқада Гарри Кейн ҳам "Вест Хэм" посбони Робертони жазолади, - 0:3. Кетма-кет ўтказиб юборилган голлардан кейин мезбонлар ҳам олдинга ташланишди. Захирадан сафга қўшилган Антонио 73-дақиқага келиб ўртадаги фарқни қисқартирди, - 1:3. Ҳакам томонидан қўшиб берилган дақиқаларнинг сўнггисида эса Анжело Огбонна тўп йўллади.

Шу тариқа, ўйин 3:2 ҳисобида "Тоттенхэм"нинг ғалабаси билан якунланди. Бу ғалабадан кейин "тақачилар" турнир жадвалида ҳозирча 6-ўринига кўтарилиб олди.

АПЛ, 13-тур

Вест Хэм - Тоттенхэм - 1:3
Голлар: 0:1 – 36 Сон Хын Мин, 0:2 – 43 Лукас Моура, 0:3 – 49 Кейн, 1:3 – 73 Антонио.

Вест Хэм – Роберто, Крессуэлл, Огбонна, Диоп (Санчес, 64), Фредерикс, Нобл, Фелипе Андерсон (Антонио, 46), Райс, Снодграсс, Ярмоленко (Форнальс, 56), Аллер.

Тоттенхэм – Гассанига, Дэвис (Роуз, 75), Санчес, Орье, Алдервейрелд, Алли (Эриксен, 79), Уинкс, Лукас Моура (Сиссоко, 82), Дайер, Сон Хын Мин, Кейн.

Огоҳлантиришлар: Диоп (11), Фредерикс (39), Дэвис (70).
 

Ўқилган: 2804
Англия чемпионати Вест Хэм Тоттенхэм

Фойдаланувчилар фикрлари



Мазву бўйича