"Ювентус" клуби бош мураббийи Маурицио Сарри жамоа ҳужумчиси Криштиану Роналдунинг Италия чемпионати 13-тур "Аталанта"га қарши ўйинда иштирок этмаслигини эълон қилди.
"Роналду 99% эҳтимол билан ўйнай олмайди. У терма жамоадан қайтганида биринчи ўйинда ўзини яхши ҳис қилганини, иккинчисида эса оғриқ сезганини бизга хабар қилди. Бу руҳий томондан ҳам муаммо туғдиради.
Бизнинг мақсад – чемпионлар лигаси, биз унинг жароҳатини тузатишимиз керак. Шунинг учун ҳам у 99% эҳтимол билан "Аталанта"га қарши ўйнамайди ва қайта тикланиш дастурини давом эттиради", - дейди Сарри.
Шу билан бирга Сарри Роналдунинг алмаштирилганида унинг қўлини қисмагани ҳақида ҳам гапириб ўтди.
"Роналду билан боғлиқ вазиятни очиқлашнинг фойдаси йўқ, ҳаттоки уни қизиқувчилар ҳам унинг алмаштиришига шундай жавоб қилишади. Баъзида ўйинчиларнинг бундай ҳаракатига чидаш кераклигини тушунаман, акс ҳолда бутун умр улар билан айтишиб юрган бўлар эдим", - давом эттирди Сарри.