Бэйл "Леганес"га қарши ўйиннинг 82-дақиқасида стадионни тарк этди
"Реал" ярим ҳимоячиси Гарет Бэйл Испания чемпионатининг 11-тур "Леганес" жамоасига қарши ўйин пайтида "Сантьяго Бернабеу" стадионини тарк этди.
Уэльслик футболчи жароҳатлангани туфайли ўйинни трибуанадан кузатди, бироқ баҳснинг 82-дақиқасида стадионни тарк этди.
Клуб қоидаларига кўра, ўйинчилар стадионни ўйиннинг 80-дақиқасигача тарк этиши мумкин эмас. Шу тариқа, Бэйл жаримага тортилмайди.
"Мен у билан кийим алмаштириш хонасида гаплашдим. Агар у эрта кетган бўлса, бунга унинг ҳаққи бор", - дейди "Реал" бош мураббийи Зинедин Зидан.
Футболчининг стадионни ҳакам ҳуштагидан олдинроқ тарк этиши биринчи марта кузатилаётгани эмас.
Ўқилган: 2276