Роналдусиз "Ювентус" дебютантни енга олмади
Италия А Сериясининг 9-туридан ўрин олган яна бир учрашув поёнига етди.
"Ювентус" меҳмонда "Лечче"га қарши майдонга тушди. Баҳс 1:1 ҳисобидаги натижа билан якунланди. Бу ўйинда туринликлар етакчиси Криштиану Роналду иштирок этмади.
Биринчи бўлимда иккала жамоада ҳам вазиятлар юзага келди. Бироқ гол уриш бирорта клубга насиб қилмади. Иккинчи бўлимнинг 50-дақиқасида Пауло Дибала пенальтидан ҳисобни очди. Орадана 6 дақиқа ўтиб эса, мезбонлар ҳам пенальтидан мувозанатни тиклади.
Қолган дақиқаларда "Ювентус" ғалабани илиб кетиш учун қилган ҳаракатлари голга етарли бўлгани йўқ. Шу тариқа, "Ювентус" мавсумдаги иккинчи дуранг натижасини қайд этди.
Италия чемпионати, 9-тур
Лечче - Ювентус - 1:1
Голлар: Манкозу (56, пен) - Дибала (50, пен)
Ўқилган: 2530