Даврон Ҳошимов: «Эктор Купер мени ўзгартирди»
Даврон Ҳошимов: «Эктор Купер мени ўзгартирди»

Мухлислар айрим севимли футболчиларини жаҳон юлдузларига қиёслашга ўрганишган, албатта, яхши маънода. Уларнинг ўйин услубида гўёки, Неймар ёки Мессини кўришади. Бугунги суҳбатдошимизни ҳам ҳанузгача бразилиялик Майконга ўхшатишлари бор гап. Ўзбекистон миллий терма жамоасининг галдаги ўқув-машғулот йиғинига жалб этилмаган Даврон Ҳошимов билан уюштирилган интервью давомида ЖЧ-2022 саралаши, Купернинг истеъфосига сабаб бўлган мағлубиятли ўйин ва бошқа мавзулар бўйича суҳбатлашдик.

- Одатда, жамоаларда мураббий алмашгач, ижобий натижалар кузатилади. «Локомотив»да эса... Жамоага нима бўляпти?

- Ҳаммаси жойига тушиб олиши учун вақт керак. Ҳар бир мураббийнинг ўз фалсафаси ва услуби бўлади. Ҳозир Самвел Вячеславович жамоада ўз услубини шакллантиришга уринмоқда. Албатта, маълум вақтдан кейин бу ўз натижасини бермай қолмайди.

- Даврон Ҳошимовни мухлислар, майдонда оғир характерли, агрессив футболчи сифатида танишади. У ҳаётда қандай?

- Майдондан ташқарида ўта камгап ва оғир-босиқман. Лекин футбол ичида бунинг тескариси - майдонга тушганим заҳоти фақат ўйин ҳақида ўйлайман. Жудаям киришиб кетганимдан бўлса керак, кўпинча ўзимни босолмай қоламан. Баҳс давом этаётган пайтда фикру хаёлим ғалаба билан банд бўлади.

- Ўзбекистон миллий жамоаси собиқ устози Эктор Купер даврида сиз мунтазам равишда асосий таркибда майдонга тушдингиз. Аргентиналик ҳақида қандай фикрдасиз?

- Жуда кучли тактик, ҳар жиҳатдан етук мутахассис. Ҳар бир футболчига алоҳида ёндашади, ранг-баранг машғулотлари кишига завқ бағишлайди. Катта ҳаёт тажрибасига эга. Ҳимоявий футболни хуш кўриши ҳақиқат, яширмайман. Фақат ўйинни орқадан бошлаш услуби бизнинг футболга мос келмади, деб ўйлайман.

- Вадим Карленович сизни нав­батдаги йиғинга жалб этмади. Ранжигандирсиз?

- Асло, хафа бўлганим йўқ, чунончи, Купернинг услуби бошқа, Абрамовники бошқа. Миллий термага бўлажак баҳсларда омад тилайман.

- Жорий йил «темирйўлчилар»да пасайиш юз берди. ОЧЛдаги иштирок ҳам кўнгилдагидек бўлмади...

- Мавсум бошида «Локо»ни Икром Алибоев, Марат Бикмаев, Садриддин Абдуллаев каби етакчилар тарк этишди. Биринчи давра ярмида мураббий алмашди. Ўйинга ёндашув ўзгарди. Рақибларимиз ҳам кучайгани эътиборга молик. Лекин қандай вазият юзага келган тақдирда ҳам Осиё Чемпионлар Лигасига чиқишимиз шарт.

- Шоҳруҳ Гадоев билан юз берган ўша машҳур тўқнашувдан сўнг иккингизнинг муносабатингиз қандай кечди? Ахир сиз етказган жароҳат туфайли у деярли бир йил футбол ўйнамади.

- Бундай ҳолат футболда учраб туради. Кўришганда илиқ салом-алик қилиб турамиз.

- Аввалари қизиққонлигингиз сабабли термада ҳам, клубда ҳам жамоадошларингизни оғир аҳволга солиб қўйган ҳолатлар кўп бўларди. Лекин бу йил бироз босилгандексиз. Балки ўзгаришингизда Купернинг ҳам ўрни бордир?

- Гапингизда жон бор. Осиё кубогидан олдин, адашмасам, Австралия йиғини доирасида ўтказилган Ливанга қарши ўртоқлик учрашувида қизил карточка олиб, жамоани қийин вазиятда қолдирдим. Эктор Купер хонасига чақирди ва мен билан бафуржа суҳбат қурди. «Менга кераксан. Руҳан тушкунликка тушиб қолма, сенинг имкониятларинг анча юқори», деди. Унинг мана шу сўзлари менга умид ва далда берди. Осиё кубогида менимча, ёмон тўп сурмадим, мухлислардан эътирофлар эшитдим. Қайсидир маънода, Купер мени ўзгартирди.

- Хўш, асосий таркибда майдонга тушган футболчи сифатида айтинг-чи, Фаластин термаси билан учрашувда нима бўлди?


Давоми бор. Ушбу интервьюни тўлиқ ҳолда InterFUTBOL.uz сайтида ўқишингиз мумкин

 

 

Ўқилган: 1057
Блог "ИнтерФутбол" блоги
22:34 07/10/19

Фойдаланувчилар фикрлари

Фикр қолдириш учун авторизациядан ўтинг.

Сўнгги янгиликлар

06:56Трицепс учун энг яхши машқлар
04:31Марказий Осиё келажаги ёхуд Жалолиддинову Ўруновлар ҳақида... ("ИнтерФутбол" блоги)
01:40Маттейс де Лигт: Роналду – ўз даврининг энг яхши ўйинчиси
23:28“Боруссия” Дортмундда “Герта”ни мағлубиятга учратди
20:33“Бавария” сафарда “Байер”га имкон қолдирмади
20:32Коке: "Атлетико" ЕЧЛ ғолиби бўлиши керак. Биз чемпионни чиқариб юбордик
19:21Ўзбекистон U19 терма жамоаси Осиё чемпионатига тайёргарликни давом эттирмоқда
18:24Токио-2020 тескари саноқ тадбири бекор қилинди
17:35"Байер" – "Бавария": Таркиблар!
17:17“Милан”га “Наполи” ҳужумчиси керак
16:15Анхель Ди Мария: Яхшиям 2017 йилда "Барса"га ўтмаганим. Мен "ПСЖ"да бахтлиман
15:19Юртимизда ўтадиган U19 Осиё чемпионати учун қуръа ташлаш маросими 18 июнда ўтказилади
15:10Оксана Чусовитина: Ўзбекистон учун Олимпиада медалини қўлга киритиш ягона орзуим
14:17“Ювентус” шу ёзда “Атлетико” футболчисини сотиб олмоқчи
13:36“Реал”нинг ёш юлдузларидан бири ПСЖга ўтиши мумкин
12:56Про лига баҳслари 3 июль санасидан старт олади
11:49“Тоттенхэм” клуби “Борнмут” ярим ҳимоячиси билан шартнома имзолайди
10:27Россиянинг “Локомотив” клуби “Бунёдкор” ярим ҳимоячисига қизиқиш билдирмоқда
09:04Клубларни лицензиялаш масалалари юзасидан онлайн видеоконференция ташкил этилди
08:55Германия чемпионати, 30-тур анонси
08:40Модрич: Моуринью асоссиз равишда Роналдуни танқид қиларди, Криштиану ўшанда йиғлаган
08:12"Барселона" клуби Месси билан янги шартнома борасидаги музокараларни кейинги ҳафта бошлаши мумкин
08:04Англия кубогининг 1/4 финал ўйинлари қачон бўлиши маълум қилинди
07:10Дмитрий Михайлович блогида. ЖЧ-2022 Осиё саралашининг қолдирилган ўйинлари санаси маълум бўлди
06:03Тўғри югуришни ўрганамиз
05:30ЖЧ-2022. Ўзбекистон МТЖнинг саралаш босқичидаги қолдирилган ўйинлари санаси маълум
04:18"Челси" клуби Вернерни қанчага сотиб олгани маълум қилинди
02:25Ўзбекистон ва Туркманистон: ўзаро ҳамкорлик муҳокама қилинди
01:27Тони Кросс: Испанияда йиғилишга 3 дақиқа олдин келсанг биринчи бўласан, Германияда эса охирги
21:22Карантин дастурхони. Ҳасанали отадан иқтибослар (7-қисм)
кўпроқ янгиликлар