Зидан Куртуанинг жароҳати борлигини била туриб "Брюгге"га қарши ўйинда майдонга туширган
Мадриднинг "Реал" дарвозабони Тибо Куртуа Европа чемпионлар лигаси "Брюгге" жамоасига қарши ўйин олдидан ҳам саломатлигида муаммолар ҳис қилган.
Манбанинг таъкидлашича, бельгиялик футболчи учрашув бўладиган куни эрталабдан ошқозонида муаммо бўлган, бироқ у майдонга тушишни жуда ҳам истаган. Жамоа бош мураббийи Зинедин Зидан ўз шогирдининг саломатлиги борасидаги муаммоларни билган, аммо Тибонинг босими остида асосий таркибда туширган.
Куртуа биринчи бўлимда "Брюгге"дан иккита тўп ўтказиб юборди ва заҳирага олинди. Ўйиндан кейин Куртуанинг ошқозонидаги муаммо туфайли майдонни тарк этгани ҳақида маълумот пайдо бўлди.
Ўқилган: 2612