Эрнесто Вальверде: Ҳозир натижалар керак вазиятда эканлигимни тушуниб турибман
"Барселона" клуби бош мураббийи Эрнесто Вальверде "Вильярреал" жамоасига қарши ўйин олдидан ўз фикрлари билан ўртоқлашди.
"Янгилик йўқ. Барча мураббийлардан кўп нарса кутишади. "Барселона"дан эса янада кўпроқ.
Ҳозир фақатгина натижа керак бўлган вазиятда эканлигимни тушуниб турибман. Мураббий ҳар доим диққат марказда.
Биз мавсумни яхши бошламадик ва ўзимизга келиб олишимиз керак. Ушбу тушкунликдан чиқишимиз керак.
Жорий мавсумдаги ишларга диққатни қаратиш лозим. Ўтган мавсумда ҳам бизда қийинчиликлар бўлган эди, лекин биз қайтганмиз. Кейин эса "Ливерпуль" билан ўйин бўлди.
Ҳозир сафар ўйинларимиз натижалари яхши эмас ва ўзимизга ғолиблик руҳини қайтаришимиз керак", - дейди Вальверде.
Ўқилган: 2113