"Барселона" клубининг Антуан Гризманн билан март ойида музокаралар бошлагани учун қандай жазолар қўлланилиши мумкинлиги маълум бўлди.
As нашрининг маълумотига кўра, "Камп Ноу" стадионини дисквалификацияга тортиш жазоси қўлланилиши мумкин, бироқ ушбу жазо тури Испания қироллик федерацияси аъзоларининг биронтаси ҳам қўллаб-қувватламади.
Унинг ўрнига жазо сифатида – 300 евро жаримаси қўлланилади. RFEFнинг тартиб интизом кодексида айнан шу турдаги кичик жарималар билан жазога тортиш кўзда тутилган.
Бу иш борасидаги қарор 18 сентябрь куни қабул қилинади, бироқ якуний қарор кейинги ҳафта эълон қилинса керак.
Эслатиб ўтамиз, "Атлетико" клуби "Барса"нинг Гризманн билан март ойида музокара бошлаганини таъкидламоқда. Март ойида футболчининг товон пули миқдори 200 млн еврони ташкил қилган, каталониялик эса уларга сўровни 1 июль куни, яъни унинг товон пули миқдори 120 млнгача тушганида юборган.