Италия терма жамоасининг бош мураббийи Роберто Манчини Италия А Сериясининг янги 2019/20 мавсумдаги фаворитлари ҳақида фикр билдириб ўтди.
"Ҳозирча чемпион ким бўлиши ҳақида гапириш жуда ҳам эрта, бироқ "Ювентус" клуби сўзсиз энг яхши жамоага эга. Шуни ҳам унутмайликки, туринликлар сўнгги 8 йил ичида соврин ютиб келмоқда ва улар янада кучлироқ бўлиб олишди. "Интер" ҳам кучайди, аммо "Ювентус" ҳам тўхтагани йўқ.
Ўйлашимча, "Наполи" ҳавфли бўлади. Уларнинг таркибида кўп йиллардан буён биргаликда ўйнаётган футболчилар мавжуд. "Интер" клуби эса 4/5 та ўйинчини ўзгартирди ва муҳим футболчиларини йўқотди, жумладан Мауро Икарди ва Иван Перишич.
Ҳозир "Ювентус", "Наполи" ва "Интер" клубларини танлайман ва айнан шу кетма-кетликда", - дейди Манчини.