"Барселона" клуби президенти Жозеп Бартомеу "ПСЖ" ҳужумчиси Неймарнинг трансфери бўйича музокараларда шахсан ўзи иштирок этмоқчи.
"Барса" директори Эрик Обидаль бир неча маротаба футболчининг трансфери бўйича "ПСЖ" клуби спорт директори Леонардо билан сўнгги соат ичида гаплашди. Томонлар келишув бўйича кичик силжишга эришди, аммо Неймарнинг бахоси ҳали ҳам каталонияликлар учун жуда қиммат бўлиб турибди.
Бартомеу Неймар бўйича музокараларни ўз қўлига олиш вақти келди деб ҳисоблайди, чунки "Барселона"га "ПСЖ" клубининг барча талаблари маълум. Испанияликлар келишувни ҳал қилиш учун бироз вақт қолганини тушунишмоқда ва тезроқ амалга ошириш истагида. "Барселона" клуби "Реал"нинг улардан биринчи таклиф юбориб қўйишидан ҳавотирда.
Франция клуби ушбу трансферни фақатгина Усмон Дембеленинг келишувга қўшилиши билан ҳал бўлишига ишонмоқда. Неймар трансфер жараёни ҳақида бутун маълумотга эга.