Назорат остида бўлган "Арсенал"нинг икки футболчиси машғулотларга қайтишди
"Арсенал" клуби ҳимоячи Зеад Колашинац ва ярим ҳимоячи Месут Ўзил жамоа машғулотларига қайтишди.
Daily Mail нашрининг маълумотларига кўра, футболчилар "тўпчилар"нинг бугунги машғулотларида қатнашган. Клубдагилар яқин ўйинларда уларнинг ёрдамига умид қилишмоқда.
Эслатиб ўтамиз, ичида Колашинац ва Ўзил бўлган машинага икки номаълум шахслар томонидан ҳужум уюштирилган. Кейинроқ полиция ходимлари уларни қўлга олишган.
Бу икки футболчи маҳаллий жиноят тўдалари билан зиддиятга борган ва уйлари олдида бир неча кун қўриқчилар турган эди. Ўзил ва Колашинац "Ньюкасл" жамоасига қарши Англия чемпионатининг 1-тур ўйинини ўтказиб юборишга мажбур бўлди.
Ўқилган: 1944