"МЮ" Лукакуни машғулотларни ўтказиб юбораётгани учун жаримага тортади
"Манчестер Юнайтед" клуби ҳужумчиси Ромелу Лукаку сешанба куни жамоа машғулотларига келмагани учун жаримага тортилади.
Аввалги хабарларга кўра, душанба ва сешанба куни Лукаку "Андерлехт" клуби билан машғулот олиб борди. "МЮ" бош мураббийи Оле-Гуннар Сульшер ўз ўйинчиларига душанба куни дам берган. АПЛ 1-турида "Челси" жамоасига қарши ўйинга тайёргарлик кўриш учун манкунианликлар сешанба куни машғулот олиб бориши керак эди. Лукаку эса ушбу машғулотларни ўтказиб юборди ва унга клуб жарима тўлашга мажбур қилади.
Маълумки, Лукаку "МЮ" ни тарк этмоқчи. Уни "Ювентус" ва "Интер" клублари сотиб олмоқчи. Бироқ Англия клуби унинг таклифини рад этди.
Ўқилган: 1739