"Манчестер Юнайтед" Лукакуни жаримага тортди
"Манчестер Юнайтед" раҳбарияти ҳужумчи Ромелу Лукакуни 400 минг фунт миқдоридаги жаримага тортди.
The Mirror нашри тарқатган хабарга кўра, Лукаку 6 август куни клуб қароргоҳига бориши ва машғулотларда иштирок этиши лозим эди.
Ромелу эса жамоа қароргоҳига қайтмасдан, "Андерлехт" таркибида шуғулланмоқда.
Лукаку ёзги трансфер мавсуми якунига қадар "Манчестер Юнайтед"дан кетишни режалаштирмоқда. Унинг хизматига "Интер" ва "Ювентус" жамоалари қизиқиш билдирмоқда.
Эслатиб ўтамиз, Лукакунинг "қизил иблислар" билан шартномаси 2022 йил ёзигача амал қилади.
Ўқилган: 2387