Лукаку "Манчестер Юнайтед"дан уни бошқа клубга сотишни талаб қилди
"Манчестер Юнайтед" клуби ҳужумчиси Ромелу Лукаку клубни тарк этишга қаттиқ қарор қилган.
Football Italia нашрининг маълумотига кўра, футболчи клубдан уни бошқа жамоага ўтказишларини талаб қилган. Айни пайтда ҳужумчи "Манчестер Юнайтед" клубининг рухсатисиз "Ардерлехт" таркибида машғулотлар ўтамоқда.
Аввалги хабарларга кўра, Лукакуга "Ювентус" ва "Интер" клублари қизиқиш билдирмоқда. Бельгиялик футболчи "Ювентус" клубига Дибала ўрнига ўтиб кетиши мумкин эди, бироқ Пауло манкунианликлар билан шахсий шартнома борасида келиша олмади. "Интер" клубига келадиган бўлсак, улар "Манчестер Юнайтед" клуби билан футболчининг нархи борасида келиша олмаган.
Ўқилган: 1938