Кеча “Ливерпуль” – “Хаддерсфилд” (5:0) учрашуви билан старт олган АПЛнинг 36-тур ўйинлари давом этади. Бугун ва эртага турнинг қолган ўйинлари бўлиб ўтади.
Бугунги дастурни “Тоттенхэм” ва “Вест Хэм” клублари иштирокидаги Лондон дербиси очиб беради. Бундан кейинги ҳар бир ўйин “шпорлар” учун ҳаёт-мамот жангига айланади. Почеттино шогирдлари кучли тўртлик учун курашаётганлардан бирилар. Айни вақтда “Тоттенхэм” бу борада яхши имкониятга эга бўлиб турибди. Улар таъқиб қилиб келаётган ҳамшаҳарларидан 3-4 очкога илгарилаб кетишган. Бу устунликни сақлаб қолиш учун мазкур ўйиндаги ғалаба жуда муҳим.
Кучли тўртликдан ташқари Европа Лигасига йўлланма берувчи ўринлар учун ҳам қизғин кураш бормоқда. Бугун 7-ўринга даъвогар икки жамоа ўртасидаги қизиқарли ўйинга гувоҳ бўламиз. “Уотфорд” клуби етакчиларни қахшатиб келаётган “Вулверхэмптон”га қарши ўйин ўтказади.
Мусобақада жон сақлаб қолишга интилаётган “Кардифф” клуби “Фулхэм” майдонига сафар қилади. “Кристал Пэлас” эса ўзида “Эвертон”ни қабул қилади.
Турнинг марказий ўйинлари эртага бўлиб ўтади. “Арсенал” клуби “Лестер” майдонига сафар қилади. Ўтган турда “Вулвер”га ютқазиб қўйган “тўпчилар” учун бу кучли турлик йўлидаги сўнгги имкониятга айланиши мумкин. Чунки жамоанинг рақобатчилари бу турда ўзаро тўқнаш келишади.
Чемпионлик учун курашаётган “Манчестер Сити” сафарда “Бёрнли” билан ўйнайди. Мазкур баҳсда Пеп Гвардиола шогирдлари муаммосиз ғалаба қозонишлари кутилмоқда. Бироқ АПЛ ўйинларида ҳар нарса кутиш мумкин.
Кетма-кет мағлубиятлар сабаб олтинчи ўринга тушиб кетган “Манчестер Юнайтед” клуби уик-энднинг марказий ўйинида “Челси”ни меҳмон қилади. Агар мазкур ўйинда Оле-Гуннар Сульшер шогирдлари мағлубиятга учрашса ЕЧЛ йўлланмасидан деярли маҳрум бўлишади.
***
Тезкор футбол хабарларини UFF.uz расмий Телеграм каналида кузатиб боринг!