Андрей Фёдоров: Барчаси ўз қўлимизда

ОЧЛнинг 4-тури доирасида “Ал Иттиҳод”га қарши ўйиндан олдин “Локомотив” бош мураббийи матбуот анжуманида қатнашди.

– Чемпионлар лигасида гуруҳимиздаги барча жамоаларнинг кучи тенг. Ҳозирга қадар барча жамоаларда гуруҳдан чиқиш учун имкониятлар бор. Барчаси ўз қўлимизда. Эртага нафақат чиройли ўйин кўрсатмоқчимиз, балки, бу билан ғалабага эришишни истаймиз.

– “Ал Иттиҳод”нинг қайси футболчисини энг хавфлиси деб айта оласиз?
– Бирор бир футболчини ажратиб кўрсатиш қийин. Аммо ўтган ўйинда 8-рақамли футболчи (Фахад ал-Муваллад) майдонга тушганидан кейин рақибнинг ўйини кучайди. Умуман олганда жамоанинг ўзи хавфли.

– Жамоада йўқотишлар, жароҳатлар борми?
– Барча футболчилар соппа-соғ ва эртанги ўйинга тайёр.

– “Локомотив” ОЧЛдаги сўнгги икки ўйинни яхши бошлади. Бироқ якун хунук бўлмоқда. Бунинг сабабини нима билан изохлайсиз?
– Футболда ғолиблар чиройли ўйин кўрстагани эмас, киритган голлари орқали аниқланади. Саудиядаги ўйинда биз ўз вазиятларимиздан фойдалана олмадик. Рақибларда эса бунинг акси. Бу борада кўпроқ ишлашимиз керак.

– Ислом Тўхтахўжаев “Бухоро”га қарши ўйинда қатнашмаганининг сабаби нимада?
– У соғлом. Ҳеч қандай жароҳат йўқ. Биз таркибда ротация қилдик. Эртага у майдонга тушишини бугун ҳал қиламиз.

Сардор Мирзаев: – Чиройли ўйин бўлишига ишонаман. Ғалаба бизга сув ва ҳаводек зарур. Олдимиздаги уй ўйиннинг иккитаси ўз майдонимизда бўлади. Шунинг учун ҳам ОЧЛ гуруҳ босқичини юқори нотада якунламоқчимиз. Мақсадимиз Гуруҳдан чиқиш. Эртага ғалаба қозонишга ҳаракат қиламиз.

– Саудия Арабистонидаги ўйинда бўш трибуналарда ўйин бўлди. Бу футболчига қанчалик таъсир ўтказади?
– Тўғрисини айтсам, чемпионатимиз орқали бунга ўрганиб қолганмиз. Водийларга борсак, кўплаб мухлислар тушади ўйинга. Саудиядаги ўйин эса ғалати бўлди. Мухлисларсиз ўйин темпи жуда паст бўлди деб ўйлайман. Барибир футбол мухлислари билан гўзал.

Андрей Фёдоров Локомотив Осиё Чемпионлар лигаси
Место для Вашей рекламы

Фойдаланувчилар фикрлари



Мазву бўйича

"Ал Аҳли" – "Пахтакор" 2:1. Мезбонларга ғалаба келтирган гол!
03:38
“Ас Садд” плей-офф масаласини ҳал қилди, “Персеполис” эса гуруҳда қолиб кетди
02:21
"Локомотив" эртага оқ либосда ўйнайди
18:47
Хосе Луис Сьерра: Дуранг натижадан ҳам хурсандмиз
04:15